Vurdering av barnelitteratur

Kvifor vurdere? Det viktigaste målet til ein litteraturformidlar, er å gi barn og unge leseglede. Alle bøker passar ikkje for alle. Difor må formidlarens rolle også vere å vurdere. Å vurdere bøker tyder i denne samanhengen å gjere eit reflektert utvalg av bøker ein ønskjer å gjere tilgjengelege for lesarane.

Her finn du nokre punkt som bør vere med:
Konkret informasjon om boka: Tittel, forfattar, år, språk og illustrasjonar.
Eit kort handlingsreferat.
Målgruppa: Dette punktet er overordna dei andre punkta. Vi må heile tida ha lesarane i bakhovudet.
Tema: Er det eit tema/innhald lesarane er oppteke av? Er det tilpassa livserfaringane til lesarane?
Persongalleri: Er hovudpersonen på alder med målgruppa? Eldre? Er det gut eller jente i hovudrolla? Er det mogeleg å identifisera seg med hovudpersonen eller andre viktige roller? Kor stort er persongalleriet?
Verdiformidling: Bøker for barn treng ikkje alltid å ende godt, men dei bør syne ein veg ut av det som er vanskeleg. Fleire og fleire nye barnebøker har ein open slutt.
Lesbarhet: Har boka eit vokabular som i stor grad ligg innanfor erfaringshorisonten til lesaren? Setningsoppbygning, typografi, lengde
Språk: Er språket poetisk, nyansert, klisjeaktig - er det språklige utfordringar, noe å vokse på?
Bokas funksjon: Er den didaktisk eller er det først og fremst ei litterær oppleving.
Vidare bruk av boka: Kva klassetrinn passar den til, passar den best til stillelesing eller høgtlesing, gutt/jente/heile klassen, språk, nivå (bokslukere eller utrente)? Kan den knyttast til tema/prosjektarbeid osv.?